Hvað er Exem?

Exem er bólguástand í húð sem getur valdið því að húðvörnin verður viðkvæmari og á erfiðara með að halda raka. Exem getur komið fram víða á líkamanum, meðal annars á höndum, handleggjum, olnbogabótum, hnjám, hálsi og andliti.

Einkenni geta verið mjög mismunandi milli einstaklinga en algengt er að finna fyrir þurrki, roða, kláða, ertingu og hrjúfri eða sprunginni húð. Einkennin geta komið í köstum og húðin verið mun betri þess á milli.

Ýmsir þættir geta ýtt undir eða aukið einkenni exems, til dæmis kuldi og þurrt loft, hiti, streita, sterk sápa og hreinsiefni, ilmefni eða önnur efni sem erta húðina. Hvað veldur versnun getur þó verið mjög einstaklingsbundið.